രാവിലെ 6 മണിക്ക് എരമംഗലത്തെ വീട്ടിൽ നിന്ന് പ്രചരണത്തിനിറങ്ങുന്ന അജയ് മോഹൻ ബൂത്ത് തല കൺവെൻഷനുകൾക്കാണ് പ്രാധാന്യം കൊടുക്കുന്നത് . പ്രചരണത്തിന്റെ മൂന്നാം ഘട്ടത്തിൽ ആലങ്കോട് ,പെരുമ്പടപ്പ് പഞ്ചായത്തുകളിലെ ബൂത്ത് തല കൺവെൻഷനുകൾ പൂർത്തിയാക്കാനായി .
ഉച്ചക്ക് ഒന്നരക്ക് ഏതെങ്കിലും പ്രവർത്തകന്റെ വീട്ടിലെ അൽപ്പനേരത്തെ വിശ്രമം .ചൂടൊന്ന് കുറയാൻ കാത്ത് നിന്ന് 3 മണിക്ക് വീണ്ടും പ്രചരണം .ഇതിനിടയിൽ വോട്ടർമാരെ നേരിൽ ചെന്ന് കണ്ട് വോട്ട് ചോദിക്കാനും സമയം കണ്ടെത്തുന്നു .കളിസ്ഥലങ്ങളിലും കല്യാണത്തിനും മരണവീട്ടിലും ഓടിയെത്താൻ നാട്ടുകാരൻ കൂടിയായ സ്വന്തം സ്ഥാനാർത്ഥി സമയം കണ്ടെത്തുന്നു . കഴിഞ്ഞ ദിവസം എരമംഗലത്ത് ചേർന്ന കൺവെൻഷൻ മുഖ്യമന്ത്രി ഉദ്ഘാടനം ചെയ്തതോടെ പ്രചരണങ്ങൾക്ക് വേനൽ ചൂടിനേക്കാൾ ചൂട് കൂടിയതായി അനുഭവം സാക്ഷ്യപ്പെടുത്തുന്നു . രാത്രി പത്ത് മണി വരെ നീളുന്ന പ്രചരണങ്ങൾക്ക് പുറമെ പുതു തലമുറയെ ആകർഷിക്കാൻ മൊബൈൽ ആപ്പ് സംവിധാനവും ഒരുക്കിയിട്ടുണ്ട് .വോട്ട് ചെയ്യേണ്ട സ്ഥലം ,ബൂത്ത് ,സ്ഥാനാർത്ഥിയെക്കുറിച്ചുള്ള വിവരങ്ങൾ ,ഭാവി പ്രതിക്ഷകൾ എല്ലാം വിരൽതുമ്പിൽ ഓടിയെത്തും .
വികസനമില്ലായ്മ ചൂണ്ടിക്കാട്ടി പ്രചരണം
കഴിഞ്ഞ 5 വർഷത്തിനിടയിൽ പൊന്നാനിയിൽ ഒരു വികസനവും കൊണ്ട് വരാൻ എം എൽ എ ക്ക് കഴിഞ്ഞില്ലെന്ന വസ്തുത ചൂണ്ടിക്കാട്ടിയാണ് പ്രചരണത്തിൽ മുന്നേറുന്നത് . പാലൊളിക്കാലത്തെ വൻ വികസനങ്ങളെന്ന് കൊട്ടിഘോഷിച്ച ഫിഷിംഗ് ഹാർബർ ,ഫിഷർമെൻ കോളനി , ചമ്രവട്ടം ജലസംഭരണി എന്നിവയുടെ നിർമ്മാണത്തിലെ ക്രമക്കേടുകൾ ചൂണ്ടിക്കാട്ടിയാണ് ഇടത് പക്ഷത്തിന്റെ അവകാശവാദങ്ങളുടെ മുനയൊടിക്കുന്നത് . കഴിഞ്ഞ 5 വഷത്തിനിടയിൽ ഇക്കാര്യത്തിൽ എം എൽ എ ഒരക്ഷരം മിണ്ടിയില്ലെന്നും അജയ് മോഹൻ ആരോപിക്കുന്നു .
നാട് ഇളക്കി മറിച്ചുള്ള പ്രചരണമാണ് യു ഡി എഫ് നടത്തുന്നത് .അത് ഫലം കാണുമെന്ന് നേതൃത്വം വിശ്വസിക്കുന്നു . കോൺഗ്രസ് ഗ്രൂപ്പ് രാഷ്ട്രീയം പ്രചരണ രംഗത്ത് പ്രതിഫലിക്കില്ലെന്ന ഉറപ്പിലാണ് സ്ഥാനാർത്ഥി . എൽ ഡി എഫിനകത്തെ അസ്വസ്ഥതകൾ വോട്ടാക്കി മാറ്റാൻ പുതിയ തന്ത്രങ്ങൾ മെനയുകയാണ് യു ഡി എഫ് .മുഴുവൻ യു ഡി എഫ് വോട്ടുകളും കൃത്യമായി യു ഡി എഫ് പെട്ടിയിലെത്തിക്കുകയെന്നത് പ്രധാന ദൗത്യമാണ് .പക്ഷെ ഇത് അത്ര എളുപ്പമല്ല എന്നതാണ് യാഥാർത്യം . സ്ഥാനമോഹികളായ പലരും ഇദ്ദേഹത്തിന്റെ തോൽവി ആഗ്രഹിക്കുന്നു എന്നത് ഒരു ദു:ഖ സത്യമാണ് .
വിജയിച്ചാൽ രണ്ട് ടേമിൽ പൊന്നാനിയിൽ അജയ് മോഹൻ തന്നെയായിരിക്കും .. അതൊഴിവാക്കാൻ തോൽവി മാത്രമാണ് പരിഹാരമെന്ന് ഇവർ വിശ്വസിക്കുന്നു .വീണ്ടുമൊരു തോൽവിയിലൂടെ അജയ് മോഹന്റെ പാർലമെന്ററി രാഷ്ട്രീയത്തിന് താൽക്കാലിക വിരാമമാകും .
വിജയിച്ചാൽ രണ്ട് ടേമിൽ പൊന്നാനിയിൽ അജയ് മോഹൻ തന്നെയായിരിക്കും .. അതൊഴിവാക്കാൻ തോൽവി മാത്രമാണ് പരിഹാരമെന്ന് ഇവർ വിശ്വസിക്കുന്നു .വീണ്ടുമൊരു തോൽവിയിലൂടെ അജയ് മോഹന്റെ പാർലമെന്ററി രാഷ്ട്രീയത്തിന് താൽക്കാലിക വിരാമമാകും .
ആലങ്കോട് , പെരുമ്പടപ്പ് ,വെളിയങ്കോട് പഞ്ചായത്തുകൾ ഭരിക്കുന്നത് യു ഡി എഫ് ആണ് .ഇവിടങ്ങളിൽ വ്യക്തമായ ലീഡ് ഉയർത്തിയാൽ അജയ്മോഹന് ജയം ഉറപ്പ് .നഗരസഭയിലെ ഇടത് മേൽക്കോയ്മ ഇല്ലാതാക്കാൻ ഈ ലീഡിന് കഴിയണം .
വെൽഫെയർ പാർട്ടിയുടെയും പി ഡി പി യുടെയും സാന്നിധ്യം യു ഡി എഫിന് അനുകൂലമാണ്