റിപ്പോർട്ട് : ഫക്രുദീൻ പന്താവൂർ
ശക്തമായ മൽസരം നടക്കുന്ന പൊന്നാനി മണ്ഡലത്തിൽ ഇടത് സ്ഥാനാർത്ഥിക്ക് നേരിയ വിജയ സാധ്യതയെന്ന് ഇന്റലിജൻസ് റിപ്പോർട്ട് .
നിലവിലെ പ്രചരണ പ്രവർത്തനങ്ങൾ സൂക്ഷമമായി നിരീക്ഷിച്ചാണ് ഇടത് സ്ഥാനാർത്ഥിക്ക് നേരിയ ഭൂരിപക്ഷത്തിൽ വിജയ സാധ്യതയുണ്ടെന്ന് ഇന്റലിജൻസ് നൽകിയ റിപ്പോർട്ടിൽ പറയുന്നത് .എന്നാൽ യു ഡി എഫ് പ്രചരണങ്ങളും തന്ത്രങ്ങളും ശക്തമാണെന്നും ഇന്റലിജൻസിന്റെ റിപ്പോർട്ടിൽ പറയുന്നു .
കഴിഞ്ഞ തവണത്തേതിൽ നിന്ന് ഭിന്നമായി ശക്തമായ പ്രചരണമാണ് യു ഡി എഫ് നടത്തുന്നത് . ഗ്രൂപ്പ് വഴക്കുകൾ പൂർണ്ണമായി ഇല്ലാതായിക്കഴിഞ്ഞു .പക്ഷെ ഇടത് സ്ഥാനാർത്ഥിയുടെ രാഷ്ട്രിയത്തിനതീതമായ വ്യക്തിപ്രഭാവം വോട്ടായി മാറുമെന്നും ഇത് നേരിയ ഭൂരിപക്ഷമുണ്ടാക്കി ഇടതിന് വിജയ സാധ്യത നൽകുന്നതായും സ്പെഷ്യൽ ബ്രാഞ്ച് നൽകിയ റിപ്പോർട്ടിലും പറയുന്നു .
കഴിഞ്ഞ തവണ 4000 വോട്ടിന്റെ ഭൂരിപക്ഷത്തിലാണ് ഇടത് സ്ഥാനാർത്ഥി പി ശ്രീരാമകൃഷ്ണൻ ജയിച്ചത്. . ഒറ്റക്കെട്ടായുള്ള യു ഡി എഫ് പ്രവർത്തനവും മികച്ച വിജയത്തിന് ഇടതിന് തടസ്സം നിൽക്കുന്നുണ്ടന്ന് ഇന്റലിജൻസ് നൽകിയ റിപ്പോർട്ടിൽ സൂചിപ്പിക്കുന്നു .2000 വോട്ടിന്റെ ഭൂരിപക്ഷമാണ് നിലവിലെ സാഹചര്യത്തിൽ ഇടതിന് ലഭിക്കുകയെന്നും ഇന്റലിജൻസ് കണക്ക്കൂട്ടുന്നു ..
കഴിഞ്ഞ രണ്ട് തവണയും പൊന്നാനി മണ്ഡലത്തിൽ വിജയിച്ചത് ഇടതായിരുന്നു .ഇത്തവണ മണ്ഡലം തിരിച്ച് പിടിക്കാനുള്ള കനത്ത ശ്രമത്തിലാണ് യു ഡി എഫ് പ്രവർത്തകർ